Ermənistan parlamentinin müxalif deputatı Anna Mkrtçiyan “Media Qolos Armenii”yə müsahibəsində bildirib ki, Nikol Paşinyanın xarici siyasəti ölkəni Gürcüstan və İrandan uzaqlaşdırır.
“Onun məqsədi Gürcüstan və İranla əlaqəni kəsməkdir, bu isə suverenliyi itirməkdir. Nikol (Paşinyan) üçün bu, əsl qələbə və onun planının son tamamlanması olacaq”. – Mkrtçiyan deyir.
Bundan başqa, müxalifətçi Qarabağ məsələsində baş naziri tənqid edir. Onun sözlərinə görə, son vaxtlar Ermənistanın Meqri şəhərini çoxdan itirməsi ilə bağlı yayılan fikir Paşinyan administrasiyasının təbliğatının tərkib hissəsidir.
Mkrtçiyan Paşinyanın Türkiyə və Azərbaycanla yaxınlaşmasına qəzəblidir:
“Hətta Türkiyə hakimiyyəti Paşinyanın dediyi kimi bəyanatlar verməyib, xüsusən, mən onun “erməni soyqırımı” qurbanlarını bir-bir saymaq lazım olduğuna dair bəyanatını nəzərdə tuturam”.
Müxalifətçi Paşinyanın ABŞ-a səfərindən də istehza ilə danışıb və Cey Di Venslə görüşü əks etdirən yayılan fotonun saxta olduğunu istisna etməyib.
“Hətta bu foto real olsa belə, mən onun hərəkətlərini hələ də işgüzar görüş adlandıra bilmirəm, çünki orada müvafiq mərasim əşyaları yoxdur və Amerika mediasında heç bir məlumat yayılmır.
Üstəlik, rəsmi görüşlər də daxil olmaqla, bütün görüşlər Ermənistanla bağlı deyil, Paşinyanın repressiv rejimini necə saxlamaq barədədir”, – Mkrtçiyan bildirib.
