ABŞ prezidenti Donald Tramp fevralın 12-də Rusiya-Ukrayna müharibəsinə son qoymaq üçün Səudiyyə Ərəbistanında Rusiya prezidenti Vladimir Putinlə görüşəcəyini bildirib.
“Səudiyyə Ərəbistanında görüşəcəyik” – Tramp bu barədə Ağ Evdə jurnalistlərə bildirib. Bundan əvvəl Tramp Putinlə telefon danışığı apardığını və Ukrayna ilə bağlı dərhal sülh danışıqlarına başlamaq üçün onunla razılaşdığını yazıb.
Tramp qeyd edib ki, onun fikrincə, Ukraynanın NATO-ya qəbulu praktiki deyil. Bundan əlavə, onun sözlərinə görə, çətin ki, Ukrayna bütün əraziləri qaytara bilsin, buna baxmayaraq o, ərazilərin “bir hissəsinin” Ukraynaya qaytarılacağını əlavə edib.
Bundan əvvəl ABŞ-ın müdafiə naziri Pit Heqset ilk dəfə Böyük Britaniyanın sədrliyi ilə keçirilən Ukrayna Müdafiə Təmas Qrupunun iclasında Tramp administrasiyasının Rusiya-Ukrayna müharibəsinə son qoymaq planını təqdim edib.
