Partiya “Gürcüstan naminə” bildirir ki, Münhendən Gürcüstana qayıdarkən partiya lideri Qiorqi Qaxariya və onun komanda yoldaşlarından biri Elquca Xokrişvilini Tbilisi hava limanında İvanişvilinin “Gürcü Arzusu” partiyasının “zonderqrupu” qarşılayıb.
“Bu gün səhər tezdən Münhen Təhlükəsizlik Konfransından Gürcüstana qayıdarkən, “Gürcüstan naminə ” partiyasının sədri Qiorqi Qaxariya və komanda yoldaşımız, Almaniyadakı keçmiş səfirimiz Elquca Xokrişvili Tbilisi Beynəlxalq Hava Limanında İvanişvili tərəfindən əvvəlcədən təşkil edilmiş, əvvəlcədən hazırlanmış, „Gürcü arzusu ” partiyasının istintaq qrupu qarşıladı. Hadisə yerində eləcə də əvvəlcədən xəbərdar edilmiş polislər qəti hərəkətsizliklə buna imkan yaradıblar.
İsteriyada olan zorakı hökumət nəzarətdən çıxır.
Aydındır ki, İvanişvili Münhen Təhlükəsizlik Konfransının nəticələrindən qorxur və bu isteriya da bundan qaynaqlanır.
Bizim siyasi gücümüz hər şeyi edəcək ki, İvanişvili onun üçün ən qiymətli olanı – pul və hakimiyyəti itirsin ki, o, bir daha gürcü xalqına zorakılıq edə bilməsin” – bəyanatda deyilir.
