Tbilisidə həbs edilən azərbaycanlı jurnalist Əfqan Sadıqov aclıq aksiyası elan edib.
Neytral.ge xəbər verir ki, ekstradisiya üçün Tbilisi şəhərində saxlanılan azərbaycanlı jurnalist Əfqan Sadıqov müvəqqəti saxlama təcridxanasında aclıq aksiyası elan edib – Sadıqovun həyat yoldaşı Sevinc Sadıqova deyib.
Sevinc Sadıqovanın sözlərinə görə, Əfqan Sadıqov bu gündən, sentyabrın 21-dən aclıq aksiyasına başlayıb, çünki jurnalist onunla qanunsuz rəftar edildiyini və hüquqlarının pozulduğunu hesab edir.
“Dünən həyat yoldaşımla görüşdüm, amma çox gec idi, çünki onlar mənim girişimə süni maneçilik törədirdilər. Bu sifarişli işdir, dövlət onu qanunsuz həbs edib. Nə immiqrasiya xidməti, nə də digər aidiyyatı qurumlar Əfqanın işinə baxmayıb,hava limanında qanunsuz saxlanılıb və təyyarəyə buraxılmayıb.
Həyat yoldaşım bu gündən, sentyabrın 21-dən aclıq aksiyasına başlayıb və bu gün aclıq aksiyasının ilk günüdür – ona qarşı qeyri-qanuni rəftar edildiyi, hüquqlarının tapdalandığı üçün bu tədbirə əl atıb.
Hazırda immiqrasiya xidməti həyat yoldaşımdan imtina edir, biz müraciət etməyi planlaşdırırıq, lakin hələ ki, bizə rəsmi müraciət etmək imkanı verməyiblər. Mühacirət Xidməti bu günə qədər bizə müvafiq sənədləri təqdim etməyib.
Sonuncu dəfə Azərbaycanda həbs olunanda acından ölürdü və əlil arabasında oturmalı olurdu. İndi də özünü pis hiss edir, səhhəti pisləşə bilər və nəticəsi ölümcül ola bilər – ona görə də mən siyasi məhbus olan həyat yoldaşımın dərhal azadlığa buraxılmasını tələb edirəm”, – deyə Sevinc Sadıqov bildirib.
