The Times: Rusiyaya Ukrayna ilə müharibədə artilleriya mərmilərinin yarısını Şimali Koreya çatdırır.
“The Times” anonim mənbəyə əsaslanaraq yazır ki, Rusiyaya Ukrayna ilə müharibədə istifadə edilən artilleriya mərmilərinin təxminən yarısını Şimali Koreya çatdırır.
Nəşrin mənbəyə əsaslanaraq yazdığına görə, Şimali Koreya hər il Rusiyaya 3 milyona yaxın artilleriya mərmisi göndərir.
Mənbələr həmçinin qeyd edirlər ki, bu sursatların əksəriyyəti qüsurludur, lakin onların nisbətən çox olması Rusiyaya “cəbhədə uğur qazanmağa” kömək edir.
“The Times” qəzeti də mənbəyə istinadən yazır ki, Rusiya Şimali Koreyanın tədarük etdiyi sursatdan asılı vəziyyətə düşüb.
Nəşrin məlumatına görə, Şimali Koreya ölkələr arasında strateji əməkdaşlıq haqqında saziş imzalanandan sonra Rusiyaya sursat tədarükünü artırıb.
