Neytral.ge xəbər verir ki, etibarli mənbələrdən əldə etdiyimiz məlumata əsasən parlament sədri Şalva Papuaşvilinin Marneuli bələdiyyəsinin əməkdaşı Rövşən İsgəndərovun həbsi ilə bağlı verdiyi bəyanat həqiqətə uyğun deyil, yalan məlumatdır, – „onu dünən və bu gün regionda görüblər, Rövşən İsgəndərov azadlıqdadır, həbsdə deyil, onun həbs olunduğunu deyənlər, sadəcə xalqın gözündə özlərinə bəraət qazanmaq və həmçinin xalqı sakitləşdirmək istəyirlər, sanki saxtakarlığa yol vermirlər, özləri ən böyük saxtakarlardır” – mənbə bildirib.
Neytral.ge-nin əməkdaşı əldə etdiyimiz məlumatla bağlı DİN ilə əlaqə saxlayıb. Daxili İşlər Nazirliyindən bizim əməkdaşın sualına cavab verməyiblər, onları maraqlandıran və narahat edən bu məlumatı kimdən aldığımız idi.
