Avropa Şurası və Avropa Parlamentinin prezidentləri Donald Trampı seçkilərdəki qələbəsi münasibətilə təbrik ediblər.
Avropa Şurası və Avropa Parlamentinin prezidentləri Donald Trampı ABŞ-da keçirilən prezident seçkilərində qələbəsi münasibətilə təbrik ediblər.
“Mən seçilmiş prezident Donald Trampı təbrik edirəm! Aİ və ABŞ-ı güclü və tarixi bir ittifaq bağlayır. Müttəfiqlər və dostlar kimi Aİ konstruktiv əməkdaşlığımızı davam etdirməyi səbirsizliklə gözləyir. Strateji gündəliyə uyğun olaraq, Avropa İttifaqı güclü, vahid, rəqabətədavamlı və suveren tərəfdaş kimi kursunu davam etdirəcək və qaydalara əsaslanan çoxtərəfli sistemi qoruyacaq”, – Şarl Mişel sosial şəbəkədə yazıb.
Avropa Parlamentinin sədri Roberta Metsola da Donald Trampı təbrik edib.
“Avropa görünməmiş geosiyasi çağırışların öhdəsindən gəlmək üçün əməkdaşlığa hazırdır. Ortaq dəyərlərimizə, azadlığa, insan hüquqlarına, demokratiyaya və açıq bazarlara əsaslanan güclü transatlantik əlaqələri saxlamaq üçün”, – Roberta Metsola sosial şəbəkədə yazıb.
