Tİ: Parlamentin ilk iclası və onun parlament üzvlərinin səlahiyyətlərinin tanınması konstitusiya və reqlamentin açıq və kobud şəkildə pozulmasıdır.
Noyabrın 25-də elan edilmiş yeni seçilmiş parlamentin ilk iclası və onun parlament üzvlərinin səlahiyyətlərini tanıması Gürcüstan Konstitusiyasının və Gürcüstan parlamentinin reqlamentinin açıq və kobud şəkildə pozulmasıdır – “Transparency International-Georgia”-nın bəyanatında deyilir.
Tİ-nin məlumatına görə, 2024-cü il oktyabrın 26-da keçirilən parlament seçkiləri
kütləvi şəkildə saxtalaşdırılıb.
“Yeni seçilmiş parlamentin səlahiyyətləri barədə məlumatlandırmaq üçün 2024-cü il noyabrın 25-də hakim partiyanın üzvləri qanunverici orqanda toplaşacaqlar.
Gürcüstan prezidenti parlamentin ilk iclasını çağırmayıb. Bununla yanaşı, 26 oktyabr 2024-cü il tarixli seçkilərin Konstitusiyaya uyğunluğu və müvafiq olaraq 150 üzvün seçilməsinin qanuniliyi Konstitusiya Məhkəməsində mübahisələndirilib. Gürcüstan Konstitusiyasının 38-ci maddəsinə əsasən, parlamentin ilk iclasını prezident təyin edir. Həmin maddəyə əsasən, Parlament üzvlərinin üçdə ikisinin (100 üzvü) tanındığı andan parlament tam səlahiyyətləri əldə edir. Parlamentin reqlamentinin 86-cı maddəsinə əsasən, parlament deputatı seçilməsinin qanuniliyi Konstitusiya Məhkəməsində mübahisələndirilirsə, həmin şəxsin soyadı parlament deputatlarının səlahiyyətlərinin tanınması haqqında parlamentin qərarında göstərilmir.
Bütün yuxarıda deyilənlərə əsasən, noyabrın 25-də yeni seçilmiş parlamentin ilk iclasının elan edilməsi və onun parlament üzvlərinin səlahiyyətlərinin tanınması Gürcüstan Konstitusiyasının və Parlamentin reqlamentinin açıq və kobud şəkildə pozulmasıdır.” – təşkilat yazır.
