Gürcüstanın Bolqarıstandakı səfiri istefa verib. Otar Berdzenişvili bu barədə X-də yazıb və etirazçılarla həmrəy olduğunu bildirib.
“Bu ictimai müraciətlə bildirirəm ki, mən artıq Gürcüstanın Bolqarıstan Respublikasındakı səfiri vəzifəsindən istefa ərizəmi təqdim etmişəm. Uzunmüddətli diplomatik fəaliyyətim dövründə (iyirmi ildən çox) həmkarlarımla birgə Gürcüstanın Avro-Atlantik və Avropa İttifaqına inteqrasiya prosesi və müttəfiqlərimiz, xüsusilə ABŞ ilə möhkəm və etibarlı strateji tərəfdaşlıqlar qurma prosesinin inkişafında fəal iştirak etmişəm.
Bizim yorulmaz səylərimiz heç bir şəraitdə pozulmamalıdır. Dinc etiraz iştirakçılarının azad iradəsinə qarşı zorakılığı qınayıram və tam həmrəyliyimi bildirirəm”, – Berdzenişvili yazıb.
