Rondel Fondunun elmi işçisi Vato Bjalavanın vəkili Qiorqi Tabatadzenin sözlərinə görə, həbsdən sonra polis Bjalavaya fiziki təzyiq göstərib, buna görə onun baldır nahiyəsində qançır olub.
“Mən Vato Bjalava ilə təcridxanada görüşdüm və məlum oldu ki, o, Diğominin əsas bölməsinə köçürüldükdən sonra polislərdən biri onun yanına gələrək, onun üzünə bir neçə dəfə zərbələr endirib və onun baldır nahiyəsinə təpik vurub, onun baldır nahiyəsində qançır olub.
Ehtimal ki, onlar Vatonun telefon kodunu silib ondan müəyyən məlumat almaq istəyiblər. Ona şillə vuran polis ondan tələb etdi ki, telefonun parolunu ona desin, Vato isə bundan imtina etdi. Polisin şəxsi telefondakı parolu silməyə məcbur etmək hüququ yoxdur. Vatoya inzibati xəta haqqında protokol tərtib edilib, sanki o, polisə müqavimət göstərib və onların qanuni tələbinə tabe olmayıb”, – Bjalavanın vəkili bildirib.
Vato Bjalava dekabrın 12-də Abaşidze küçəsindən götürülüb.
“Vato Bjalavanı Abaşidze küçəsindən qaçırdılar, o, küçədə itini qəzdirirdi, itini ağaca bağlayıb, evə belə gətirməyiblər, belə oğurlayıblar”. – Natia Çikovani Facebook-da yazıb.
