Respublikaçı konqresmen, Helsinki Komissiyasının sədri Co Vilson X platformasında yazır ki, yanvarın 3-də o, ABŞ prezidentinin milli təhlükəsizlik məsələləri üzrə gələcək müşaviri Maykl Vols ilə Gürcüstan haqqında danışıb:
“Mən bu gün gələcək milli təhlükəsizlik müşaviri – Maykl Vols-u görməyə və onunla Gürcüstanın avtoritar nəzarətini və Çin Kommunist Partiyasının dünyada azadlığa olan təhlükəsini müzakirə etdiyimə görə minnətdaram. Güc vasitəsilə sülh naminə tərəfdaşlığımızı davam etdirməyi səbirsizliklə gözləyirəm”.
Görüşdən təxminən saat yarım əvvəl Co Vilson yazmışdı ki, yanvarın 3-də MEGOBARI Aktı artıq Konqresə təqdim edilib.
