Yanvarın 29-da səsə qoyulacaq Avropa Şurasının qətnaməsinin mətnində “Gürcü arzusu”nu növbədənkənar seçkilər təyin etməyə və siyasi məhbusları azad etməyə çağırır. Bundan əlavə, eyni sənəd “Gürcü arzusu”nun nümayəndələrinə məhdudiyyətlərin qoyulmasından danışılır.
Qətnamədə ümumilikdə Gürcüstanın demokratik geriləməsi və hüquq-mühafizə orqanları əməkdaşlarının zorakılığı, habelə onların cəzasız qalması vurğulanır.
Qətnamənin bəndlərindən biri növbədənkənar seçkilərin keçirilməsini tələb edir.
“Son parlament seçkiləri zamanı aşkar edilmiş nöqsanları və qanun pozuntularını təcili şəkildə aradan qaldırmaq və həqiqətən demokratik yeni seçkilərə şərait yaradan seçki mühitini yaratmaq üçün iqtidar çoxluğu, müxalifət və vətəndaş cəmiyyəti də daxil olmaqla bütün partiyaları və sosial subyektləri əhatə edən inklüziv prosesə dərhal başlamaq lazımdır. Bunların hamısı yaxın aylarda elan edilməlidir”. – qərarda yazılıb.
Bundan əlavə, qətnamədə “Gürcü arzusu”ndan Avropa Şurası Parlament Assambleyasının aprel sessiyasına qədər siyasi məhbusların azad edilməsi tələb olunur.
Mətn həmçinin “polis vəhşiliyinin və digər insan hüquqları pozuntularının pislənməsinin bariz əlaməti olaraq” Assambleyadakı “Gürcü Arzusu” nümayəndələrinin hüquqlarından məhrum edilməsini nəzərdə tutur.
Qətnamədə vurğulanır ki, qeyd olunan problemlər həll olunarsa, məhdudiyyətlər aradan qaldırılacaq.
Qətnamənin mətnində həmçinin “Gürcü arzusu”ndan Venesiya Komissiyasının Gürcüstanla bağlı təcili rəydə qeyd olunacaq tövsiyələrini nəzərə alması xahiş olunur. Assambleyanın sədri Komissiyadan bu rəyi hazırlamağı xahiş edib.
Qətnamə hələ qəbul edilməyib və yanvarın 29-da səsə qoyulacaq.
