Çikaqoda İsrail konsulluğu yaxınlığında keçirilən nümayiş zamanı azı 72 nəfər polis tərəfindən həbs edilib.
Avqustun 21-də Çikaqoda Demokratik Milli Qurultayın ikinci günündə İsrail konsulluğu qarşısında Fələstin tərəfdarlarının nümayişi zamanı polislə toqquşmalar şəhərdə onlarla insanın həbsinə səbəb olub.
Nümayişçilərlə polis arasında toqquşma qısa müddət ərzində aksiyanın başlamasından sonra baş verib, çünki polis nümayişçilərin yürüşü davam etdirməsinə icazə verməyib və nəticədə etirazçılar polis xəttini yarmağa cəhd ediblər.
Milli Vəkillər Kollegiyasının Çikaqo şöbəsi bildirib ki, polis nümayişlərdə ən azı 72 nəfəri həbs edib.
Çikaqo polis rəisi Larri Snellinqin sözlərinə görə, İsrail konsulluğu qarşısındakı nümayişçilər “vandalizm və zorakılıq hərəkətləri etmək niyyəti ilə çıxıblar”. Bundan başqa, o, belə hadisələri “şəhər üçün təhlükəli” adlandırıb.
Etirazların axşam saatlarında Fələstin tərəfdarı nümayişçiləri küçədə Amerika bayrağını yandırıblar və İsrail konsulluğuna doğru irəliləyərkən polis onları “dərhal dağılmağa” çağırıb.
Oktyabr ayında Qəzza zolağında Həmas-İsrail müharibəsi başlayandan bəri İsrail konsulluğunun binası yaxınlığında bir neçə nümayiş keçirilib.
