ABŞ Dövlət Departamenti dövlət katibi Entoni Blinkenin Bidzina İvanişviliyə qarşı tətbiq edilən maliyyə sanksiyalarından bəhs edən bəyanatını dərc edib.
Bəyanatda deyilir ki, ABŞ İvanişviliyə Rusiyanın xeyrinə Gürcüstanın demokratik və Avroatlantik gələcəyinə zərbə vurmaq üçün maliyyə sanksiyaları tətbiq edib. Bundan əlavə, Blinken yazır ki, ABŞ “Gürcü arzusu”nun hərəkətlərini, o cümlədən Gürcüstan vətəndaşlarına qarşı zorakılığı qəti şəkildə pisləyir.
Blinken qeyd edir ki, İvanişvili 14024 saylı İcra Fərmanına uyğun olaraq sanksiyaya məruz qalıb.
