Rusiya mətbuatı xəbər verir ki, anası ABŞ Mərkəzi Kəşfiyyat İdarəsinin rəqəmsal innovasiyalar üzrə direktor müavini olan şəxs Ukraynada Rusiya tərəfində döyüşüb və ölüb.
KİV-in məlumatına görə, 21 yaşlı Maykl Qloss Rusiya Müdafiə Nazirliyi ilə müqavilə bağlayıb və Rusiya ordusuna yazılıb.
Important Stories nəşrinin məlumatına görə, Maykl Qloss ABŞ-da humanitar kollecdə insan və ətraf mühitin qarşılıqlı əlaqəsi ixtisası üzrə təhsil alıb. 2023-cü ildə kolleci, sonra isə ABŞ-ı tərk etdi və bir neçə aylıq səyahətdən sonra elə həmin il Rusiya ordusuna qatıldı.
Onların sözlərinə görə, Qloss ABŞ-ı tərk etdikdən sonra əvvəlcə İtaliyada, sonra isə İsraildə yaşayıb və oradan deportasiya olunub. Bundan sonra o, bir neçə ay Türkiyədə qalıb. 2023-cü il avqustun 13-də Gürcüstan-Rusiya sərhədindən keçərək Rusiyaya gəldi və tezliklə Rusiya ordusuna yazıldı.
Maykl Qloss ailəsinin verdiyi məlumata görə aprelin 4-də vəfat edib, lakin onun ölüm şəraiti məlum deyil.
Maykl Qlossun anası Culiana Qalina Co Bayden administrasiyası dövründə MKİ-nin rəqəmsal innovasiyalar üzrə direktor müavini vəzifəsinə yüksəlmişdi. Qlossun atası Larri Qloss ABŞ Hərbi Dəniz Qüvvələri veteranı və Security Information Systems proqram təminatı şirkətinin baş direktorudur.
