ABŞ “Russia Today”in icraçı direktoru və digər əməkdaşlarına sanksiya tətbiq edib
Neytral.ge xəbər verir ki, ABŞ Maliyyə Nazirliyi sentyabrın 13-də Rusiyanın dövlət təbliğat orqanı olan “Russia Today”in icraçı direktoru Dmitri Kiselyov və digər əməkdaşlarına sanksiya tətbiq edib.
ABŞ dövlət katibi Entoni Blinken sanksiyaları açıqlayıb. Onun sözlərinə görə, RT “Rusiya kəşfiyyat aparatının faktiki qanadı”dır və Rusiya hökumətinin nəzarətində olan və gizli şəkildə ABŞ demokratiyasını sarsıtmağa çalışan nəşrlər şəbəkəsinin bir hissəsidir.
Blinken RT-ni Ukraynada döyüşən rus əsgərləri üçün bədən zirehi, snayper tüfəngləri, pilotsuz təyyarələr və digər hərbi texnika almaq üçün onlayn pul toplamaqda ittiham edib.
ABŞ dövlət katibinin sözlərinə görə, RT Rusiya kəşfiyyatı ilə birlikdə seçkiqabağı dövrdə Moldovanın siyasətinə də müdaxilə etməyə çalışır.
