İranın ABŞ prezidenti Donald Trampın nüvə sazişi üzrə danışıqlara çağırışına cavab verməkdən imtina etməsindən sonra Ağ Ev Tehranla problemin ya hərbi yolla, ya da razılaşma yolu ilə həll oluna biləcəyini bir daha bəyan edib.
Ağ Evin Milli Təhlükəsizlik Şurasının sözçüsü Brayan Hughes İranın ali dini lideri Ayətullah Əli Xameneinin Tehranın danışıqlara getməyəcəyini deməsindən sonra deyib: “Ümid edirik ki, İran rejimi öz xalqını və maraqlarını terrordan üstün tutacaq”.
