“İşgəncə və pis rəftarla bağlı bütün iddiaların etibarlı şəkildə araşdırılması lazımdır. Biz yerli və beynəlxalq təşkilatları və İctimai Müdafiəçini Gürcüstanda kütləvi insan haqları pozuntularını qeydə almağa davam etməyə çağırırıq.
Biz “Gürcü Arzusu”nu gərginliyi azaltmağa və gürcü xalqı üçün ciddi nəticələrə səbəb olan vəziyyətə son qoymağa çağırırıq. Zorakılıq nümayişçilərin Gürcüstanın demokratik və Avropa gələcəyi üçün tələblərinə cavab ola bilməz.
Xatırlayırıq ki, “Gürcü Arzusu”nun hərəkətləri Avropa İttifaqına üzvlük prosesinin de-fakto dayandırılmasına səbəb olub. İndiki demokratik geriləmə və Gürcüstan hakimiyyəti tərəfindən tətbiq edilən son repressiyaların ikitərəfli münasibətlərimiz üçün nəticələri var. Avropa İttifaqı dekabrın 16-da Xarici Əlaqələr Şurasında əlavə tədbirlərə baxacaq. Avropa İttifaqı gürcü xalqı, onun demokratik və avropalı istəkləri ilə həmrəyliyini ifadə edir”, – Avropa İttifaqının bəyanatında deyilir.
