“Siz yanlış istiqamətdə gedirsiniz” – Anna Maria Bildt “Gürcü Arzusu”na
Neytral.ge xəbər verir ki, keçmiş Avropa Parlamentinin deputatı Anna Maria Bildt „Gurcü arzusu” hökumətini ölkəni yanlış istiqamətə aparmaqda ittiham edir.
Bildt 26 oktyabr seçkilərində Gürcüstan vətəndaşlarının düzgün seçim edəcəyinə ümid edir.
Keçmiş avropalı parlamentari son seçkilərdə tarixi qərarı qəbul etməli olan seçicilərə birbaşa bildirib ki, hökumət ölkəni Aİ-yə üzvlüyə aparmır.
„Bu, həlledici seçki olacaq, burada sizin səsiniz sizin Avropanın gələcəyinin olub-olmadığını müəyyən edəcək. Aİ-yə üzvlük ləyaqətə əsaslanan bir prosesdir və indi gördüyümüz şey yanlış istiqamətdə gedir. Üzvlük meyarlarına zidd olan qərarlar qəbul edilib. Ümid edirəm ki, Gürcüstanın Avropa Birliyinə üzv olmasını istəyən vətəndaşlar başa düşəcəklər ki, bu hökumət ölkəni üzvlükə doğru aparmır. Əksinə, Aİ liderləri üçün Gürcüstanın üzvlüyünü dəstəkləmək getdikcə çətinləşir. Çünki meyarlar var və onlar yerinə yetirilmir. Odur ki, səsinizdən istifadə edin. Ukrayna və Moldova artıq danışıqlar mərhələsindədir, Gürcüstan isə deyil. Vətəndaşlar anlayırlar ki, hökumətin gördüyü işlərə görə çox yüksək qiymət ödəyir və bu qatara çata bilməyəcəklər. İndi vizasız rejim məsələsi də müzakirə mövzusudur. Əlbəttə, onlar bu məsələni Brüsseldə düşünməyə başlaya bilərlər”, – Bildt deyir.
Məlumat üçün bildirək ki, Makkeyn İnstitutu, Corc Buş İnstitutu və İqtisadi Siyasət Araşdırmaları Mərkəzi (EPRC) ikinci gündür ki, “Keçid ili” adlı 8-ci Tbilisi Beynəlxalq Konfransına ev sahibliyi edir.
