Tbilisi Apellyasiya Məhkəməsi 22-ci gündür aclıq aksiyası keçirən Temur Katamadzenin apellyasiya şikayətini təmin etməyib və onu həbsdə saxlayıb.
Katamadzenin vəkili deyir ki, onun himayəsində olan şəxs bu müddət ərzində 15 kiloqram arıqlayıb.
Katamadze aclıq aksiyasına görə özünü aciz hiss etməsinə baxmayaraq, məhkəmədə iştirak edib.
Hakim sübutların əlavə edilməsi və şahidlərin dindirilməsi ilə bağlı vəsatəti təmin etməyib və bu səbəbdən Katamadze etiraz əlaməti olaraq iclası tərk edib.
“20-dən çox sübut təqdim etməyimizə baxmayaraq, məhkəmə vəsatətimizi nəzərə almadı. Həmçinin şahidlərin dindirilməsi ilə bağlı vəsatətimiz də məhkəmə tərəfindən təmin edilmədi. O, artıq 15 kiloqram arıqlayıb, məhkəməyə gəlmək halı da olmayıb, lakin sübutlardan birini gətirdiyi üçün gəlib. O, hakimin mövqeyini görəndə etiraz əlaməti olaraq iclası tərk edib”, – deyə vəkil Mariam Qabroşvili bildirib.
