Avropa İttifaqı İvanişvili rejiminə qarşı hansı mexanizmləri işə sala bilər? – Avropa Parlamentinin deputatı Riçards Kolls “Amerikanın səsi” radiosuna müsahibəsində deyib ki, “çox şeylər müzakirə olunur, indiki mərhələdə heç nə istisna edilmir, bütün mümkün mexanizmlər nəzərdən keçirilir”.
Kols müsahibəsində birbaşa deyir ki, “gürcü kabusu” Gürcüstanı Rusiya orbitinə, onun təsir dairəsinə yaxınlaşdırır.
“Bu bizi narahat edir, çünki biz Gürcüstanın Avro-Atlantik istəklərini çox güclü şəkildə dəstəkləyirik.
Düşünürəm ki, bu proses inkişaf edir. Mən bu yaxınlarda prezident Zurabişvili ilə görüşdüm və gördüm ki, getdikcə daha çox Aİ-nin aparıcı siyasətçiləri onun ətrafına toplaşır və düşünürlər ki, başqa nə etmək olar, Gürcüstanın indiki rejiminə yeni seçkilər təyin etmək üçün hansı əlavə təzyiqlər edilə bilər.
Biz Gürcüstanda vəziyyətin pisləşdiyini görsək də, heç bir əlaqə əlaməti yoxdur. Əgər kimsə deyirsə ki, dialoqa hazırıq, bu sadəcə bir fasaddır, bu yalnız məqsəd üçündür, bu, sadəcə olaraq, onların hansısa Aİ lideri ilə əl sıxışaraq şəkil çəkdirmək və sonra deyəcəklər ki, bizi tanıyırlar, biz gürcü xalqının qanuni nümayəndələriyik” – deyə Kols bildirir.
