MSK-nın məlumatına görə, partiyası konstitusiya çoxluğunu əldə edə bilməyən Gürcüstanın baş naziri müxalifət partiyalarını qadağan etməklə hədələyir.
Bu barədə İrakli Kobaxidze Bakıda BMT-nin İqlim Dəyişikliyi üzrə 29-cu Konfransına səfəri zamanı gürcü jurnalistlərlə deyib.
Onun sözlərinə görə, müxalifət “konstitusiya tənzimləmələrinə qarşı hərəkətini davam etdirərsə” məhkəmədə konstitusiya iddiası qaldıra bilər.
“Bəzi cəhdlər var, kimlərsə konstitusiya quruluşuna qarşı çıxıblar, bu, həmin siyasi qüvvələrin imzasıdır. Biz seçkiqabağı kampaniya zamanı siyasi partiyaları konstitusiyaya zidd elan etməli olduq. Biz bunu konstitusiya çoxluğunun əldə edilməsi ilə əlaqələndirdik, baxmayaraq ki, bu insanlar belə davam etsələr, konstitusiya çoxluğu olmadan da bu addımı ata bilərik. Əgər onlar konstitusiya qaydalarına qarşı mübarizəni davam etdirsələr, bu halda bu qərarı yetişdirəcəklər”, – Kobaxidze bildirib.
Baş nazir eyni şərhdə deyir ki, müxalifətin bunun üçün resursları yoxdur və çox yaxında parlamentə girəcəklər.
“Düşünürəm ki, çox tezliklə onlar dayanacaqlar, müvafiq göstərişlər alacaqlar. Sonda xoşbəxtlikdən və ya təəssüf ki, özlərini parlamentdə, skamyalarda tapacaqlar”, – Kobaxidze bildirib.
“Gürcü arzusu”nun lideri onu da deyir ki, ayın sonuna kimi parlamentin ilk iclası keçiriləcək və bundan sonra bir neçə günə hökumətin yeni tərkibi təsdiqlənəcək.
Məlumat üçün bildiririk ki, konstitusiya çoxluğu üçün ən azı 113 deputat lazımdır. MSK-nın ilkin məlumatına görə, “Gürcü arzusu” 89 mandat alacaq.
