Yanvarın 18-də səhvən Qomelauri bölməsi tərəfindən həbs edilən Otar Kvaratsxeliya və Rati Tkemaladze qolları qandallanaraq bölməyə aparıldıqları anı xatırlayır.
Tbilisi Şəhər Məhkəməsi tərəfindən 2200 lari məbləğində cərimələnən gənclər mətbuata bildiriblər ki, DİN əməkdaşlarını Rustaveli prospektində davam edən aksiyada pirotexniki vasitələrdən istifadə edən şəxslə səhv salıblar.
Otar Kvaratsxeliya deyir: “Onlar başqasını həbs etmək istədilər və əvəzində məni həbs etdilər.”
“Nümayiş zamanı atəşfəşanlıq edən şəxslə məni səhv salmışdılar. Həmin şəxs mənimlə eyni rəngli palto geyinmişdi. Bir-iki dəfə mənə dedilər ki, atəşfəşanlığı atan şəxs sən idin, mən isə cavab verdim ki, atəşfəşanlığı mən atmamışam. Onlar həmin şəxsi həbs etmək istədilər və əvəzində məni həbs etdilər. – Otar Kvaratsxeliya deyir.
Rati Tkemaladze də eyni ssenarini xatırlayaraq bildirir ki, mülki geyimli şəxslər onu qəfildən maşına mindirərək polis bölməsinə aparıblar.
“Onlar heç bir forma geyinməmişdilər, onların polis əməkdaşı kimi tanıdılması üçün şəxsiyyət vəsiqəsi olmayıb. Nəticədə bu, bizdə qorxu yaratdı və biz qaçdıq. Bizə polis olduğunu deyən kimi biz onların tələbini yerinə yetirdik. Bizi mindirdikləri maşın polis maşını olmadığı üçün hara aparılacağımız da bəlli deyildi, ona görə də nə olacağını bilmirdik, əsəbiləşdik və qorxduq. Onlar orada bizimlə mübahisə etdilər və sonda etmədiyimiz işlərə görə bizi cərimələdilər” – Rati Tkemaladze deyir.
Xatırladaq ki, Tbilisi Şəhər Məhkəməsi inzibati qaydada həbs edilmiş Otar Kvaratsxeliya və Rati Tkemaladzeni qanun pozucuları kimi tanıyıb, hakim Manuçar Tsatsua isə inzibati cəza kimi onların hər birini 2200 lari məbləğində cərimələyib.
