Gürcüstanın beşinci prezidenti Almaniyaya rəsmi səfərə başlayıb – Salome Zurabişvili X platformasında yazır ki, Gürcüstanın Avropa gələcəyi və təhlükəsizliyi ilə bağlı mühüm müzakirələr gözləyir.
“Münhenə təhlükəsizlik konfransında iştirak etmək üçün gəlmişəm. Qarşıda Gürcüstanın Avropa gələcəyi və təhlükəsizliyi ilə bağlı mühüm müzakirələr var. İzləmədə qalın!” – Salome Zurabişvili yazır.
Bu gün 61-ci Münhen Təhlükəsizlik Konfransı açılır – Almaniya prezidenti Frank-Valter Ştaynmayerin açacağı konfransda müxtəlif ölkələrin 60-a yaxın lideri və yüzlərlə nümayəndə iştirak edəcək.
Cənubi Qafqazdan konfransa Ermənistan və Azərbaycan liderləri də qatılacaq, Amerika nümayəndə heyəti də konfransda iştirak edəcək.
Üç gün davam edəcək konfrans çərçivəsində dünyanın çağırışları və onların həlli yolları ilə bağlı yüksək səviyyəli debatlar keçiriləcək. Əlavə olaraq qeyd etmək lazımdır ki, panel müzakirəsi də ayrıca gündəliyə salınan Gürcüstana həsr olunacaq.
Beynəlxalq konfransda Gürcüstanın beşinci prezidenti Salome Zurabişvili də iştirak edəcək. Gürcüstan prezidenti təkcə ikitərəfli görüşlər keçirməyəcək, həm də panel müzakirələrində iştirak edəcək. Salome Zurabişvilinin çıxışı Tbilisi vaxtı ilə saat 23:00-dan sonra planlaşdırılır.
Münhen konfransına “Gürcü arzusu” rejiminin bir nümayəndəsi də dəvət olunmayıb. Gürcüstan tarixində ilk dəfədir ki, hökumət bu tədbirə dəvət edilmir.
İvanişvili rejiminin batdığı beynəlxalq təcrid fonunda Salome Zurabişvili Qərb dünyası tərəfindən tanınan yeganə legitim lider olaraq qalır.
