Bu gün Avropa İttifaqının xarici işlər nazirləri Brüsseldə görüşür, görüşün əsas mövzularından biri Gürcüstan və Gürcüstanda baş verən proseslər olacaq.
Rəsmi məlumata görə, xarici işlər nazirlərinin Brüssel görüşü bu gün yerli vaxtla saat 10:00-da başlayacaq və ona ilk dəfə olaraq Avropa İttifaqının Xarici İşlər və Təhlükəsizlik Siyasəti üzrə Ali Nümayəndəsi Kaia Kallas sədrlik edəcək.
Aİ-nin Gürcüstandakı nümayəndəliyindən verilən məlumata görə, görüşün gündəliyinə Gürcüstanın Aİ-yə namizədliyi və Şərq Tərəfdaşlığı çərçivəsində əməkdaşlıq məsələlərinin müzakirəsi daxildir.
Bildirilib ki, Gürcüstanda baş verən son hadisələri nəzərə alaraq, müəyyən kateqoriyadan olan şəxslər üçün viza rejiminin dayandırılması mexanizminin mümkün aktivləşdirilməsi müzakirə ediləcək.
