İİR-in prezidenti Daniel Tvininq Globalnews.ge saytına müsahibəsində Gürcüstanda planlaşdırılan parlament seçkilərinin əhəmiyyətindən danışıb və oktyabrın 26-da keçiriləcək seçkilərin “Gürcüstan demokratiyası üçün həlledici olacağını” deyib.
Daniel Tvininqin fikrincə, məhz bu seçkilər zamanı gürcü cəmiyyəti “ölkənin geri çəkilməkdə davam edəcək, yoxsa Avropaya doğru irəliləyişə qayıdıb-qayıtmayacağına” qərar verməlidir.
Bundan əlavə, İİR prezidenti qeyd edir ki, “Moskvanın Gürcüstanda demokratiyanın dağıdılmasını asanlaşdırmaq üçün öz gündəliyi var”.
“Gürcüstan demokratiyasının keyfiyyəti birbaşa ölkənin təhlükəsizliyi ilə bağlıdır. Biz bilirik ki, Moskvanın Gürcüstanda demokratiyanın dağıdılmasını asanlaşdırmaq üçün öz gündəliyi var. Biz həmçinin bilirik ki, gürcü xalqı demokratik təsisatları və qərbyönlü oriyentasiyanı güclü şəkildə dəstəkləyir, ona görə də demokratik Gürcüstan üçün nəticə nə qədər yaxşı və güclü olarsa, ölkənin təhlükəsizliyi bir o qədər güclü olar və onun üzləşdiyi təhlükəsizlik problemlərini idarə etmək qabiliyyəti bir o qədər yüksək olar. Təbii ki, Gürcüstanın Qərblə, o cümlədən ABŞ və Avropa ilə strateji və iqtisadi tərəfdaşlıq mədəniyyəti önəmlidir. Bütün bunlar bir-biri ilə bağlıdır və buna görə də mən hesab edirəm ki, bu seçkilər Gürcüstan demokratiyası üçün həlledici sınaq olacaq – ölkə geri çəkilməyə davam edəcək, yoxsa islahatlara və Avropaya doğru irəliləyişlərə qayıdacaq?!”, – Daniel Tvininq bildirib.
