“Gürcüstanda İvanişvilinin qanunsuz rejiminə etiraz etmək üçün 67-ci gündür küçələrdə dayanan gürcü xalqının cəsarəti məni hələ də ruhlandırır” – Konqresmen, Helsinki Komissiyasının sədri Co Vilson bu barədə X-də yazır.
Konqresmenin sözlərinə görə, qəddar rejim seçkiləri saxtalaşdırıb və indi onlara hücum edir, onları saxlayır və evlərini qarət edir.
“Avropa İttifaqının oktyabr seçkilərində saxtakarlıq edən və hazırda gürcü xalqını vəhşicəsinə sıxışdıran qeyri-legitim İvanişvili və onun yaxınlarına sanksiya qoymasının vaxtı çatıb. Təəssüf ki, Macarıstan və Slovakiya səhvən sanksiyaların qarşısını alır. Mən NATO-nu bu müttəfiqlərin blokadasını aradan qaldırmağa çağırıram!” – konqresmen yazıb.
