Azad sahibkarlıq bəyannaməsini imzalayanların sayı 570-i ötüb. Daha dəqiq desək, indiyədək 575 müəssisə bəyanat imzalayıb.
Bəyanatda iş adamları vəziyyətin deeskalasiyası üçün yeni seçkilərin keçirilməsini və mitinqlərdə saxlanılanların azadlığa buraxılmasını tələb edirlər.
“Mövcud böhran partiya siyasətinin hüdudlarından kənara çıxıb və bu da ölkəni qaçılmaz sosial və iqtisadi risk qarşısında qoyur. Vəziyyəti tez bir zamanda deeskalasiya etmək lazımdır. Gərginliyi azaltmağın ən praqmatik yolu yeni seçkilərin keçirilməsi və son proseslər zamanı həbs olunan insanların azadlığa buraxılmasıdır. Biz siyasi üstünlüklərimizdən asılı olmayaraq, gürcü biznesinin nümayəndələri olaraq ölkənin taleyinə və onun dönməz inkişafına cavabdehik.”, – bəyanatda deyilir.
Bundan əlavə, platformanın təsisçisi Qiorqi Çuqoşvilinin məlumatına görə, dünən www.freebusiness.ge saytına 862 biznes müraciəti daxil edilib.
