Cybernews-un məlumatına görə, Almaniyanın bulud xidməti provayderi (Cloud Service Priveder) təsadüfən Gürcüstanın demək olar ki, bütün əhalisinin şəxsi məlumatlarını əlçatan edib. Bunu əvvəlcə kibertəhlükəsizlik konsaltinq platforması SecurityDiscovery aşkar edib.
Şirkətin kibertəhlükəsizlik üzrə eksperti Bob Diaçenko bu yaxınlarda Gürcüstan vətəndaşlarının çoxlu sayda şəxsi məlumatlarını ehtiva edən parolla qorunan məlumat bazası aşkar etdiklərini bildirib. Verilənlər bazasının bir hissəsində 5 milyona yaxın, digərində isə 7 milyondan çox şəxsi məlumat var idi.
Gürcüstan əhalisinin təqribən 4 milyon nəfər olduğunu və açıqlanan qeydlərin sayının bu rəqəmi bir neçə milyonu ötdüyünü nəzərə alsaq, məlumat bazasında vəfat etmiş Gürcüstan vətəndaşlarının şəxsi məlumatları və ya konkret şəxslərin şəxsi məlumatlarının dublikat qeydləri ola bilər.
Verilənlər bazasında vətəndaşların şəxsi nömrələri, tam ad və soyadları, doğum tarixi, cinsi, telefon nömrələri və s. kimi həssas şəxsi məlumatlar var idi. Bütün bunlar Gürcüstan vətəndaşlarını şəxsiyyət oğurluğuna, fişinq və digər təhlükələrə məruz qoydu.
“Məlumatların potensial hökumət və ya kommersiya məlumat bazaları və nömrə nişanının müəyyən edilməsi xidmətləri də daxil olmaqla bir çox mənbədən toplandığı və ya birləşdirildiyi görünür.” – Diaçenko dedi.
Mütəxəssislər hələ şirkətin adını çəkməsələr də, məlumatları təsadüfən yayımlayan Alman CPS-ni izlədilər. Tədqiqatçıların fikrincə, server kəşf edildikdən qısa müddət sonra oflayn vəziyyətə salınıb. Məlumat sızması ilə bağlı şirkətə məlumat verilib-verilmədiyi məlum deyil.
“Məlumat sahibliyi ilə bağlı aydınlıq olmadan, təsirə məruz qalan şəxslər üçün kompensasiya məhduddur və məlumatların mühafizəsi qanunlarını tətbiq etmək və ya cavabdehlik axtarmaq çətin olaraq qalır. Bu sızma transsərhəd məlumatların qorunması və tənzimlənməsinin mürəkkəbliyini vurğulayır.” – Diaçenko bildirib.
