Gürcüstan Daxili İşlər Nazirliyinin əməkdaşları etiraz aksiyasının dağıdılması zamanı 10-dan çox media nümayəndəsinə hücum edib.
Noyabrın 29-na keçən gecə aksiyanın dağıdılması zamanı Gürcüstan Daxili İşlər Nazirliyinin əməkdaşları – polis və xüsusi təyinatlılar 10-dan çox jurnalist və operatora hücum ediblər (natamam siyahı):
- Formula TV-nin əməkdaşı Quram Roqava – maskalı xüsusi təyinatlı əsgər canlı yayım zamanı jurnalistə hücum edib, başına zərbələr endirib, jurnalist yıxılıb və qana bulanıb;
- Aleksandr Keşelaşvili, Publika – jurnalist saxlanılıb, üzünə və başına zərbələr endirilib, ləvazimatları müsadirə edilib;
- David Tsaqareli, “Azadlıq” radiosunun jurnalisti – maskalı xüsusi təyinatlı zabit canlı yayımda jurnalistin qarnından vuraraq onu yerə yıxıb;
- Mariam Nikuradze, OC Media jurnalisti – onlar qəsdən su şırnaqından və bibər qazından istifadə ediblər, jurnalistin kamerasını zədələyiblər və onun mobil telefonunu əlindən alıblar;
- Nanuka Kacaya, müxalif TV Pirveli kanalı – canlı yayım zamanı su şırnağı ilə;
- David Biçikaşvili, TV Pirveli kanalının operatoru;
- Qiorqi Şetsiruli, TV Pirveli telekanalının operatoru – xüsusi təyinatlılar onu təpikləyib;
- Anna Mdivani, TV Pirveli-nin jurnalisti – üzünə bibər qazı püskürtdülər;
- Niko Kokaya, TV Pirveli-nin operatoru – üzünə bibər qazı püskürtdülər;
- Qivi Avaliani, Netqazeti – bibər qazı püskürtdülər;
- Natia Amiranaşvili, Publika – jurnalistin telefonunu əlindən aldılar və ona işləməyə icazə vermədilər;
- Qiorqi Qoqua, “Project 64” – polis əməkdaşları onu təpiklədilər;
- İrakli Manaqadze, Expressnews – xüsusi təyinatlılardan təpik aldı;
- David Bejanişvili, İctimai yayımçı – Gürcüstanın Birinci Kanalı.
Media nümayəndələri ilə yanaşı, hüquq müdafiəçiləri və siyasətçilər də daxil olmaqla onlarla etirazçı fiziki zorakılığa məruz qalıb. Əksər hallar videolentlərə qeydə alınıb.
