Gürcüstanın Xalq Müdafiəçisi tərkibindəki Dinlər Şurasının üzvləri hökumətin Gürcüstanın Avropa İttifaqına üzvlüyünü dayandırması və ölkədə davam edən etiraz aksiyaları ilə bağlı bəyanat yayıblar:
“Gürcüstanın Xalq Müdafiəçisi tərkibində Dinlər Şurasının üzvləri, ilk növbədə, nümayişçilərə qarşı zorakılığı qətiyyətlə pisləyir.
Demokratiya, azadlıq, insan hüquqları, dini etiqad azadlığı, bərabərlik, tolerantlıq, davamlı sülh – bunlar bütün dinlərin ümumi prinsipinə əsaslanan ləyaqətli həyat üçün zəruri olan dəyərlərdir: Başqalarına sizinlə rəftar edilməsini istəmədiyiniz kimi davranmayın.
Dinlər Şurasının üzvləri ən böyük təhlükəni Gürcüstan Konstitusiyası ilə zəmanət verilən Avrointeqrasiya kursundan imtina etməkdə görürlər – bu, Gürcüstanda hər bir insanın ləyaqətli və təhlükəsiz həyatına təhlükədir.
