Dominikan Respublikasının hakimiyyət orqanlarının məlumatına görə, Santo Dominqo limanında rekord miqdarda 9,5 ton kokain aşkar edilib. Narkotik maddə banan qabında, 320 bağlamada gizlədilib.
Dominikan Respublikasının Milli Narkotiklərə Nəzarət Şöbəsinin ilkin araşdırmasına görə, narkotik vasitələrin Avropaya göndərilməsi nəzərdə tutulurdu, bananlar isə Qvatemaladan ölkəyə daxil olub.
“Bir çox naməlum şəxslər narkotikləri başqa konteynerə köçürməyə çalışıblar, sonra həmin konteyner Belçikaya gəmi ilə göndəriləcəkdi”. – Dominikan Respublikasının Milli Narkotiklərə Nəzarət Departamentinin kommunikasiya rəhbəri Karlos Denver bildirib.
Bu dəfə ələ keçirilən kokainin miqdarı Dominikan Respublikasının keçmiş rekordundan xeyli çoxdur – 2006-cı ildə polis ölkənin eyni limanında 2,58 ton kokain aşkar edib.
