Gürcüstanın ədliyyə naziri Anri Oxanaşvili Azərbaycan Respublikasının Gürcüstandakı fövqəladə və səlahiyyətli səfiri Faiq Quliyev ilə görüşüb.
Tanışlıq görüşündə tərəflər Gürcüstan və Azərbaycan arasında uzunmüddətli strateji tərəfdaşlıqdan danışıblar. İki ölkənin səlahiyyətli qurumları arasında ədliyyə sahəsində səmərəli əməkdaşlıq vurğulanıb.
Ədliyyə Nazirliyində keçirilən görüşdə ədliyyə nazirinin müşaviri Levan Kasradze, Azərbaycan Respublikası səfirinin müşaviri Samir Abdurəhimov və səfirliyin attaşesi Röyal Paşayev iştirak ediblər.
Görüşün sonunda tərəflər qarşılıqlı əməkdaşlıq üçün gələcək planlar barədə razılığa gəliblər.
