Əfqanıstanda, qondarma İslam Dövlətinin hücumu nəticəsində 14 nəfər həlak olub
Neytral.ge xəbər verir ki, sentyabrın 13-də Əfqanıstanda qondarma İslam Dövlətinin hücumu nəticəsində 14 nəfər həlak olub.
Əfqanıstanda dini azlıqların ardıcılları yenidən ekstremistlərin hədəfinə çevrilib. Taliban nümayəndəsinin sözlərinə görə, gecə saatlarında silahlı şəxslərin hücumu nəticəsində azı 14 nəfər ölüb, 6 nəfər yaralanıb.
Əfqanıstanın “Tolonews” telekanalının məlumatına görə, insident mərkəzi əyalətlərin – Daikund və Ghur sərhəddində baş verib. Ən təhlükəsiz vilayətlərdən biri hesab edilən bu ərazidə yaşayan əhalinin əksəriyyətini şiə müsəlmanlar təşkil edir. Hücum zamanı qurbanlar Kərbəladan qayıdan zəvvarları qarşılamaq üçün toplanıb. Yerli şiələr təxminən üç həftə əvvəl mühüm dini bayram olan Ərbəin bayramını qeyd etmək üçün oraya səfər ediblər.
Hücuma görə məsuliyyəti qondarma “İslam Dövləti” üzərinə götürüb. “Xilafət əsgərləri” mürtədlər qrupuna atəş açıb. – İslam Dövlətinin bəyanatında deyilir.
İslamda, İslamın ekstremist şərhinə görə, şiələr mürtəd qrup sayılır.
Taliban 2021-ci ilin avqustunda hakimiyyəti ələ keçirdikdən sonra təhlükəsizliyi qorumağa söz versə də, İslam Dövləti Əfqanıstan ərazisinə müntəzəm hücumlar həyata keçirməyə davam edir.
