Etiraz aksiyaları zamanı rejimin hüquq-mühafizə orqanlarının əməkdaşları tərəfindən saxlanılan İrakli Miminoşvilinin məhkəmə iclasında hava çatışmazlığı səbəbindən bir neçə dəfə huşunu itirdiyi bildirilir.
O, məhkəmə zalını tərk etməli olub və bu, hakimin iclası 15 dəqiqəlik fasilə elan etməsinə səbəb olub.
Bundan əvvəl rejim hakimi İrakli Xuskivadze iclasın böyük zala keçirilməsi ilə bağlı vəsatəti təmin etməmişdi. Vəsatəti hazırda Şəhər Məhkəməsində işlərinə baxılan İrakli Miminoşvilinin və daha 7 şəxsin vəkilləri verib.
Aksiyalar zamanı həbs edilən Zviad Tsetsxladzenin anası Nərgiz Davitadze də kiçik zalda yaranmış havasızlıqdan danışır. O, jurnalistlərə danışarkən zalın izdihamlı və havasız olduğunu bildirib.
“Ora dardır, oksigen və hava yoxdur. Bizi insan hesab etmirlər. Həmin şəxs [İrakli Miminoşvili] bir neçə dəfə huşunu itirib – otağı dəyişmirlər”. – Nərgiz Davitadze dedi.
