Gürcüstanda fasiləsiz etiraz aksiyasının 101-ci günü – yürüşlərin başlamasına bir neçə saat qalıb. Avropanın gələcəyinin keşikçiləri dəyişməz tələblərlə küçələrə çıxırlar.
Azadlıq uğrunda mübarizə aparan insanlar hələ də parlament seçkilərinin təyin olunmasını, vicdan məhbuslarının azadlığa buraxılmasını tələb edirlər. Parlamentə bitişik ərazi ilə yanaşı, vətəndaşlar Respublika meydanına toplaşaraq etiraz yürüşü təşkil edəcəklər.
Yürüşə rejissor Data Tavadze də qoşulur. Onun dediyi kimi, “Gürcü arzusu” xalqın şərtlərinə tabe olana qədər geri çəkilməyəcək.
“Bu insanlar qarşılarında duran məqsədə çatana qədər dayanmayacaqlar. Biz özümüz bu yüz gündən əsas götürə bilərik ki, bu qədər günlərə dözümümüz olub, öz prinsiplərimizdə o qədər möhkəm dayanırıq və bu, hökumətə və bu ölkəni idarə edən cinayətkarlara müəyyən xəbərdarlıq olmalıdır ki, bu insanlar geri çəkilməyəcəklər”, – Data Tavadze deyir.
Xatırladırıq ki, bu gün, martın 8-də Tbilisi, Kutaisi və Batumidə etiraz aksiyası keçiriləcək. Paytaxtdakı nümayişçilər saat 19:30-da Respublika meydanına toplaşaraq Parlamentə yürüş edəcəklər.
