“Güclü Gürcüstan” Koalisiyası parlament siyahılarının ləğvi ilə bağlı Mərkəzi Seçki Komissiyasına rəsmi sənəd təqdim edir – bu barədə koalisiyanın liderlərindən biri Mamuka Xazaradze bu gün, noyabrın 26-da keçirdiyi brifinqdə danışıb.
Xazaradzenin sözlərinə görə, koalisiya bu gün MSK-ya müraciət edəcək.
“Sizə demək istəyirəm ki, bu günlər ərzində biz beynəlxalq ictimaiyyətlə, istintaq orqanları ilə, bir çox saxtakarlıq faktlarını müəyyən edən daxili istintaq orqanlarımızla kifayət qədər ciddi əməkdaşlıq etmişik.
Onu da bilirsiniz ki, prezident bu seçkiləri və bu parlamenti legitim tanımayıb.
Siz də bilirsiniz ki, bu parlamenti heç bir beynəlxalq təşkilat və ya dövlət tanımayıb.
Ona görə də bu gün biz bəyanat veririk – siyahıların ləğvi ilə bağlı bu gün MSK-ya müvafiq sənədləri təqdim edəcəyik”, – Xazaradze bildirib.
