“Gürcü Arzusu” Partiyasının Trampın andiçmə mərasiminə dəvət edilməməsi onu göstərir ki, gələn administrasiya, gedəcək administrasiya kimi, “Gürcü arzusu” hökumətinin nüfuzdan düşdüyünü anlayır”, – Atlantika Şurasının üzvü Con Herbst Amerikanın Səsinə müsahibəsində bildirib.
Onun sözlərinə görə, ABŞ-Gürcüstan münasibətləri son bir neçə ildə davamlı olaraq yanlış istiqamətdə gedir.
“Gürcüstanda artan repressiyalarla yanaşı, “Gürcü arzusu” hökuməti Qərbin, xüsusən də Amerikanın xarici siyasəti ilə bağlı aydın, qeyri-dost bəyanatlar verib. Biz bir növ Moskvanın tələb və mövqelərinə diz çökdüyünü görürük. Bu olduqca heyrətamiz və çox kədərlidir. Münasibətlərimiz, yəqin ki, ən azı 1990-cı illərin əvvəllərindən bəri ən aşağı nöqtədədir”, – Herberts deyir.
Onun sözlərinə görə, “Gürcüstan, mən deməzdim, tez, lakin çox nəzərəçarpacaq dərəcədə Moskvanın təsir dairəsinə qayıdır”.
“Yavaş-yavaş, xüsusən də qızılgül inqilabından sonra Gürcüstan Moskvadan uzaqlaşaraq Qərbə doğru irəliləməyə başladı. Bu dinamika İvanişvili dövrünün ilk iki, üç və ya dörd ilində davam etdi. İndi isə Gürcüstan, mən tez deməzdim, amma çox nəzərə çarpacaq şəkildə Moskvanın təsir dairəsinə qayıdır”, – diplomat deyir.
