Gürcüstanda qripin, o cümlədən donuz qripinin yayılmasının pik həddi xəstəxanaları doldurub. Həkimlər əhalini diqqətli olmağa çağırır.
“Dekabrın ikinci yarısından etibarən müraciət edənlərin sayı kəskin artdı. Ölkədə yalnız İaşvili klinikasında tənəffüs sistemi xəstəlikləri şöbəsi fəaliyyət göstərir. 25 çarpayı var və təbii ki, bu kifayət deyil. Ona görə də başqa şöbəni boşaltdıq. İndi burada altmış xəstə kəskin respirator infeksiyalarla yatır. Əhali donuz qripini daha çox xatırlayır, amma biz həkimlər üçün onun hansı qrip olmasının əhəmiyyəti yoxdur. Respirator virus infeksiyalarından biz ən çox qripə diqqət yetiririk, çünki o, ən çox fəsadlara səbəb olur. Məhz qriplə xəstəxanaya düşürlər, hətta bəzən ölürlər” – İaşvili adına Mərkəzi Uşaq Xəstəxanasının tibbi direktoru İvane Çxaidze deyir.
Epidemioloqlar noyabr-mart aylarını Gürcüstanda qrip mövsümü hesab edirlər. Xəstəliyin pik nöqtəsi hər il müxtəlif aylarda, ən çox dekabr-yanvar aylarında olur.
Gürcüstanın Xəstəliklərə Nəzarət Milli Mərkəzinin məlumatına görə, Gürcüstanda qripə yoluxma hallarının kəskin artması dekabrın ikinci yarısından başlayıb. O zaman qripin xüsusi çəkisi 25 faiz təşkil edirdi. Yanvarın üçüncü həftəsində maksimuma çatıb və 60 faiz olub, İndi 58 faizdir.
Qalan viruslara gəlincə, bunlar Çində xəstəxanaları sıralayan metapnevmovirus [HMPV], koronavirus və tənəffüs yollarının və ağciyərlərin infeksiyalarına səbəb olan respirator sinsitial virusdur.
