HƏMAS şənbə günü azad ediləcək girovların adlarını açıqlayıb

HƏMAS militant qrupu şənbə günü Qəzzada 15 aydan çoxdur davam edən döyüşləri dayandırmaq üçün tərəflər arasında atəşkəs razılaşması çərçivəsində dördüncü belə mübadilədə azad ediləcək növbəti üç girovun kimliyini elan edib. İsrail məlumatı təsdiqləyib.

Girovlar arasında 2023-cü il oktyabrın 7-də HƏMAS-ın İsrailə hücumu zamanı həyat yoldaşı Şiri və iki balaca oğlu, Ariel və Kfirl birlikdə Kibbutz Nir Ozdan qaçırılan 35 yaşlı Yarden Bibas var. Ailəsinin taleyi naməlumdur.

Bundan əlavə həyat yoldaşı Aviva Sigel ilə birlikdə Kibbutz Kfar Azadan girov götürülən Şimali Karolina ştatının Çapel Hill şəhərindən olan ABŞ-İsrail vətəndaşı, 65 yaşlı Kit Siegel də azad ediləcək. Aviva Siegel 2023-cü ilin noyabrında qısa-müddətli atəşkəs zamanı azad edilib.

Üçüncü girovun militantlar tərəfindən iki uşağı ilə birlikdə Kibbutz Nir Ozdan qaçırılan 54 yaşlı fransız-israilli Ofer Kalderon olduğu müəyyən edilib. Onun keçmiş həyat yoldaşı Hadas da girov götürülüb. İki uşaq və Hadas Kalderon 2023-cü ildə baş tutan girov mübadiləsi zamanı azad edilib.

Həmas ABŞ, Britaniya və digər Qərb dövlətləri tərəfindən terror qruplaşması kimi tanınıb.

Total
0
Shares
Bir cavab yazın

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir

Əvvəlki Məqalə

Filadelfiyada təyyarə qəzaya uğrayıb – xəsarət alanlar var

Növbəti Məqalə

Yanvar ayının 17-dən itkin düşən şəxs tapıldı

Oxşar Xəbərlər