Suriya sərhədçiləri Suriya-Livan sərhədində Hizbullah terror təşkilatı üçün qaçaqmalçılıq yolu ilə Livana gətirilən külli miqdarda silah-sursat ələ keçirib. Məlumatı yerli dövlət mediası yayıb.
Bu ay Suriyada ikinci dəfədir ki, silah qaçaqmalçılığı dayandırılır. Yanvarın 17-də Suriyanın İctimai Təhlükəsizlik İdarəsi Tartus bölgəsindəki qeyri-qanuni sərhəd keçidi vasitəsilə Livana silah keçirmək cəhdinin qarşısını aldığını açıqlayıb.
Suriya mediası tərəfindən yayılan görüntülərdə hakimiyyətin müsadirə edə bildiyi silahlar, qumbaraatanlar, pilotsuz təyyarələr və digər hərbi texnika əks olunub.
Suriyanın yeni lideri Əbu Məhəmməd əl-Colani “The Times” qəzetinə eksklüziv müsahibəsində deyib ki, o, digər ölkələrin Suriyadan İsrailə hücumlar üçün tramplin kimi istifadə etməsinə icazə verməyəcək.
