İctimai nəqliyyatda sərnişinlərin ödəniş sistemi bərpa edilib. Məlumatı Tbilisi meriyasından təsdiqləyiblər.
Tbilisi meriyası ictimai nəqliyyatda sərnişin ödənişi sistemini müvəqqəti olaraq dayandırıb və sərnişinlərin pulsuz daşınmasını təmin edib.
Bu gün səhər saatlarından etibarən Tbilisi avtobuslarında və mikroavtobuslarda ödəniş aparatlarından etiraz səsi eşidilirdi – etiraz şüarları, siyasətçilərin bəyanatları, Gürcüstan və Avropa İttifaqının himnləri səslənir, mahnılar səsləndirilirdi.
Tbilisi meri Kaxa Kaladzenin sözlərinə görə, ehtimal ki, kiberhücum edilib və insident araşdırılacaq.
