Azərbaycan Prezidenti İlham Əliyevin əmisi Cəlal Əliyevin qızı İzzətxanım Cavadova Afina yaxınlığındakı şənliklərdən birində narkotikə qarşı basqın zamanı həbs edilib.
Bu barədə Yunanıstan polisi dekabrın 31-də ölkə mediasına məlumat verib.
Polis bazar ertəsi Kaliviya şəhərindəki lüks villada azı 13 nəfəri həbs etdiklərini açıqlayıb.
Həbs edilənlər arasında Mikaela Jav kimi tanınan DJ İzzətxanım Cavadovanın da olduğu bildirilir.
Adının açıqlanmasını istəməyən polis mənbəsi bu xəbərlərlə bağlı suala cavabında Cavadovanın “ziyafəti təşkil etdiyini” deyib.
Britaniya pasportu olan Cavadova Prezident Əliyevin mərhum əmisi Cəlal Əliyevin qızıdır.
Jurnalist araşdırmaları onu İspaniyanın Balear adalarında məşhur əyləncə məkanı olan İbizada müntəzəm olaraq təsvir edirdi.
Böyük Britaniya və Azərbaycanın Afinadakı səfirlikləri şərh sorğusuna dərhal cavab verməyib.
Polisin verdiyi məlumata görə, şənliyin “təşkilatçı”sı – Cavadova, “yataq otağında” içərisində 45 bağlama kokain, ekstazi, kristal met, digər narkotik vasitələr və içərisində 43 min avrodan (45 min dollar) çox pul olan seyf tapılıb.
Mənbə əlavə edib ki, Cavadova və daha 9 nəfər narkotik vasitələrin qanunsuz dövriyyəsi və istifadəsi ittihamı ilə cümə axşamı hakim qarşısına çıxarılacaq.
