“Allaha şükürlər olsun ki, biz Bidzina İvanişvilinin rəhbərliyi ilə öz xalqımızın düşmənini, milli maraqlara xəyanətkarı, zülmkar və satqın rejimi hakimiyyətdən həmişəlik uzaqlaşdırdıq. 2012-ci ilin oktyabr ayından ölkəmizdə sülhün, sabitliyin və inkişafın təmin edilməsi üçün Bidzina İvanişvilinin komandası ilə fəal işləmək şərəfinə nail olmuşam. Bu prosesdə mən iki dəfə baş nazir, daxili işlər naziri, müdafiə naziri olmuşam və son bir ildə “Gürcü Arzusu”nun sədri vəzifəsindən Gürcüstana xidmət etmişəm.
Mən həqiqətən fəxr edirəm ki, vəzifədə olduğum müddətdə fədakarcasına çalışmışam, komandamla birlikdə çox şeyə nail olmuşuq və bir çox çətinliklərin öhdəsindən gəlmişik.”
İrakli Qaribaşvili siyasətdən getdiyini elan etdiyi brifinqdə deyib.
