Yanvarın 30-da HƏMAS-ın hərbi qanadının sözçüsü təşkilatın hərbi komandirlərindən biri, oktyabrın 7-də törədilən hücumun təşkilatçısı olduğu güman edilən Məhəmməd Deyfin öldüyünü təsdiqləyib. İsrail Müdafiə Qüvvələri Deyfin 2024-cü ilin yayında öldüyünü bildirdi.
Deif 13 iyul 2024-cü ildə İsrailin hədəfinə çevrildi. 58 yaşlı Məhəmməd Deif iyirmi ildən çox İzzəddin əl-Qəssam briqadasının komandiri olub. İsrail uzun müddətdir ki, onu axtarırdı. O, 7 oktyabr hücumunun yaradıcısı hesab olunur. Bu hadisədə 1200-ə yaxın İsrail vətəndaşı öldürülüb, 251-i girov götürülərək qaçırılıb.
O vaxta qədər İsrail 2021-ci ildə Qəzzada davam edən müharibə zamanı Deif-i məhv etməyə çalışsa da, onun yerinə həyat yoldaşı və iki azyaşlı uşağı öldürülüb. Deif 2001, 2002, 2003 və 2006-cı illərdə də İsrail tərəfindən hədəfə alınıb. 2006-cı ildə baş verən hücumdan sonra onun ayaqlarını itirdiyi barədə məlumatlar var idi, sonradan bu xəbərlər təkzib edildi.
