Həbsdə olan azərbaycanlı jurnalist Əfqan Sadıqovun həyat yoldaşı Sevinç Sadıqovanın sözlərinə görə, 161 günlük aclıq aksiyasından sonra həmin şəxs tibbi müayinədən belə keçməyib.
“Bu gün onunla danışdım, mənə zəng etdi. Bu qədər gündür aclıq çəkən adamın heç tibbi müayinədən də keçmədiyini ağlıma belə gətirə bilməzdim. Üstəlik, o, artıq çox zəifdir. Səhhətindən narahatam. Ona hər gün yüngül yemək verirlər, vəssalam. Bilmirəm, nəyə görə belə edirlər, ancaq görünən odur ki, yenə də verilən şifarişin icrasına davam edirlər. İvanişvili rejimi Əliyev rejimindən də betərdir” – Sevinc Sadıqova “Netgazet”ə deyir.
Nəzərinizə çatdıraq ki, fevralın 28-də Strasburq məhkəməsi müvəqqəti tədbir çərçivəsində nəhayət ki, Əfqan Sadıqovun ekstradisiyasını dayandırıb. Sadıqov bu qərar fonunda uzun (161 gün) aclıq aksiyasına son qoyub.
