Harris Zelenski ilə görüşü zamanı Ukraynanın müharibədə qələbəsini təmin edəcəyini bildirib.
Sentyabrın 26-da prezident Co Bayden Ukraynaya əlavə 8 milyard dollar yardım elan etdikdən sonra ABŞ vitse-prezidenti Kamala Harris Ağ Evdə Ukrayna prezidenti Vladimir Zelenski ilə görüşüb.
2024-cü il seçkilərində Demokratlar Partiyasının prezidentliyə namizədi olan Kamala Harris “Ukraynanın bu müharibədə qələbəsini təmin edəcəyini” deyib.
Harrisin fikrincə, Ukraynanı sülh müqabilində ərazilərini verməyə çağıran insanlar “təslim olmağı” dəstəkləyirlər. O, sözügedən açıqlamanı əvvəllər Zelenskini Putinlə razılığa gəlmədiyinə görə tənqid edən Trampla bağlı deyib.
“Tariximizin ən mühüm məqamları Putin kimi təcavüzkarlara qarşı durduğumuz zaman oldu”. Harris deyib ki, ABŞ özünü dünyanın qalan hissəsindən təcrid edə bilməz.
