Kaxetidə aksiya – üzümçülər üzüm üçün müəyyən edilmiş qiymətə etiraz edirlər
Kaxetidə üzümçülərin aksiyası – yüzə yaxın fermer Bakurtsixe kəndi yaxınlığında toplaşaraq üzümün qiymətinin artırılmasını tələb ediblər. Mitinq iştirakçıları hökuməti onlara diqqət yetirməyə, üzümün qiymətini artırmağa çağırırlar.
Neytral.ge xəbər verir ki, yerli əhalinin dediyinə görə, dövlət onlara bir kiloqram Rkatsiteli üçün 1,05 lari, Saferavi üçün isə 1,30 lari təklif edir. Mitinq iştirakçıları qeyd olunan qiymətə görə məhsulun xərcləri ödəmədiyini, bu səbəbdən üzüm bağını kəsməyi düşündüklərini deyirlər.
Fermerlər qiymət artımı və hazırkı vəziyyətdən danışacaq məsul şəxsin yerindəcə gəlməsini tələb edirlər.
