Amerikanın Səsi: Bayden administrasiyası İrakli Kobaxidzenin qəbuluna dəvəti ləğv etdi.
“Amerikanın səsi”nin eksklüziv məlumatına görə, sentyabrın 25-də Bayden administrasiyası Gürcüstanın baş naziri İrakli Kobaxidzenin ABŞ prezidenti Co Bayden tərəfindən dünya liderlərinin və BMT-nin yüksək vəzifəli şəxslərinin ənənəvi qəbuluna dəvətini ləğv edib.
Nəşrin məlumatına görə, İrakli Kobaxidze əvvəlcə qəbula dəvət olunanlar siyahısına daxil edilib, lakin sonradan bu dəvət ləğv edilib. Administrasiyanın yüksək rütbəli rəsmisi və konqresdəki digər mənbə Amerikanın Səsinə bunu təsdiqləyib.
Bundan əlavə, Amerikanın Səsinin məlumatına görə, Bayden administrasiyası Gürcüstan nümayəndə heyəti ilə bütün görüşlərdən imtina edib. Ağ Evin milli təhlükəsizlik müşaviri Ceyk Sallivan da Kobaxidze ilə görüşdən imtina edib.
