Hökumət administrasiyasının məlumatına görə, Gürcüstanın baş naziri İrakli Kobaxidze noyabrın 11-13-də Azərbaycanın paytaxtı Bakıda keçiriləcək BMT-nin İqlim Dəyişikliyi üzrə 29-cu Konfransında iştirak edəcək.
Hökumətdən verilən məlumata görə, konfransa BMT-nin baş katibi Antonio Qutyerres və Azərbaycan Respublikasının Prezidenti İlham Əliyev ev sahibliyi edəcəklər.
Kobaxidze Bakıya səfəri zamanı Azərbaycan prezidenti ilə təkbətək görüş keçirəcək.
“Gürcüstanın Baş naziri COP29-da baş nazirin birinci müavini, iqtisadiyyat və davamlı inkişaf naziri Levan Davitaşvili, xarici işlər naziri İliya Darçiaşvili və hökumət administrasiyasının rəhbəri Levan Jorjolianinin daxil olduğu nümayəndə heyəti ilə birlikdə iştirak edəcək.” – hökümət administrasiyası yazıb.
